Lasing, patay sa kapwa lasing

@Balitang Probinsiya | January 4, 2021

BATANGAS—Isang lasing ang binaril at napatay ng kapwa niya lasing kamakalawa sa harap ng tindahan sa Bgy. Sta. Cruz, Sto. Tomas.

Ang biktima ay nakilalang si Renante Acosta, samantalang ang suspek ay si Carlo Acasin, kapwa nakatira sa nasabing bayan.

Ayon sa ulat, kapwa lasing na nagtungo sa tindahan sina Acosta at Acasin at nagkaroon ng kulitan hanggang sa barilin ng suspek ang biktima.

Napag-alamang namatay sa mismong pinangyarihan ng krimen si Acosta dahil sa tinamong tama ng bala sa ulo.

Nagpalabas na ng mahunt operation ang pulisya para madakip ang suspek.