Lasing, natagpuang patay

@Balitang Probinsiya | January 20, 2021

AKLAN—Isang lasing na lalaki ang natagpuang patay kamakalawa sa Bgy. Manika, Libacao.

Ang biktima ay kinilala ng pulisya na si Melvin Asiong, residente ng Bgy. Luctoga sa nasabing bayan.

Nabatid na ilang residente ang nakatagpo sa bangkay ng biktima na may mga tama ng taga sa katawan sa nabanggit na barangay.

Sa imbestigasyon ng pulisya, nang malasing umano si Asiong sa pakikipag-inuman sa kanyang mga kaibigan ay tumayo ito at nagsabing iihi, pero hindi na nakabalik hanggang sa matagpuan ang bangkay ng biktima.

Patuloy pa ang isinagawang imbestigasyon ng mga awtoridad para makilala at madakip ang pumatay kay Asiong.