Lasing na rider, tepok sa aksidente

@Balitang Probinsiya | May 25, 2023

NEGROS OCCIDENTAL—Isang lasing na rider ang namatay nang aksidenteng bumangga sa isang puno ang kinalululanan nitong motorsiklo kamakalawa sa Bgy. Marcelo, Calatrava sa lalawigang ito.

Ang biktima ay kinilala ng pulisya na si Fortunato Nepalar, 27-anyos, residente ng Bgy. Minapasuk sa nasabing lalawigan.

Ayon sa ulat, dahil sa kalasingan ay nawalan umano ng kontrol si Nepalar sa pagmamaneho ng kanyang motorsiklo kaya bumangga ito sa puno sa naturang barangay.

Nabatid na sa lakas ng pagkakabangga sa puno ay nagkaroon ng malaking pinsala sa ulo at katawan ang biktima.

Kaagad dinala ng mga saksi ang biktima sa pagamutan, pero idineklara itong dead-on-arrival.