Lasing na rider, dedbol sa semplang

@Balitang Probinsiya | March 5, 2021

CAPIZ—Patay ang lasing na rider nang aksidenteng sumemplang ang kinalululanan nitong motorsiklo kamakalawa sa Bgy. Angel, Dumalag.

Kinilala ng pulisya ang biktima na si Rex Castro, residente ng Bgy. Poblacion sa naturang bayan.

Batay sa imbestigasyon, mabilis umano ang takbo ng motorsiklo kaya nawalan ng kontrol sa pagmamaneho ang biktima dahilan upang sumemplang ito sa sementadong kalsada.

Nabatid na nagkaroon ng malaking pinsala sa ulo at iba’t ibang parte ng katawan ang biktima.

Kaagad dinala ng mga saksi ang ang biktima sa ospital, pero idineklara itong dead-on-arrival.