Lasing na nag-amok, tiklo sa toy gun

@Balitang Probinsiya | September 1, 2023

QUEZON -- Isang lasing na nag-amok ang dinakip ng mga awtoridad dahil sa pananakot ng dalang toy gun sa mga residente ng Bgy. Mabini Ibaba, Macalelon, kamakalawa sa lalawigang ito.

Kinilala ng pulisya ang suspek na si Jayson Bulfane, nasa hustong gulang at nakatira sa Bgy. Lipuhan, Lopez sa nasabing lalawigan.

Ayon sa ulat, habang lasing na naglalakad ay biglang nagwala at inilabas ni Bulfane ang dala niyang toy gun at itinutok sa mga tao.

Dahil dito, mabilis na rumesponde ang pulisya at dinakip si Bulfane, at nang makumpiska ang hawak nitong baril ay napag-alaman na toy gun lang ito.

Gayunman, sinampahan pa rin ng pulisya si Bulfane ng alarm and scandal at paglabag sa Comelec gun ban.