Lalaki, dedo sa outing

@Balitang Probinsiya | April 12, 2023

QUEZON – Patay ang isang lalaki matapos malunod sa isang beach resort sa Bgy. Lubayat, Real, Quezon.

Kinilala ang biktima na si Ryan Mallare, 40, ng Bgy. Cogeo, Antipolo, Rizal.

Napag-alaman na habang ang biktima at ang mga kaibigan nito ay nag-a-outing sa isang beach resort sa nasabing barangay, nang bigla na lamang tangayin ng malakas na alon ang biktima habang naliligo.

Sa inisyal na imbestigasyon, napag-alaman na agad namang dinala sa ospital ang biktima ngunit idineklara rin itong dead-on-arrival ng mga doktor.