Lalaki, dedbol sa trak

@Balitang Probinsiya | September 17, 2023

PANGASINAN -- Isang 57-anyos na lalaki ang namatay nang mabangga ng isang trak kamakalawa sa Bgy. Salaga, Bugallon, sa lalawigang ito.

Hindi na muna pinangalanan ng pulisya ang biktima at ang driver ng trak habang nagsasagawa ng imbestigasyon patungkol sa naganap na aksidente.

Ayon sa ulat, mabilis umano ang takbo ng trak kaya aksidente nitong nabangga ang biktimang tumatawid sa kalsada.

Napag-alaman na namatay sa mismong pinangyarihan ang biktima.

Nahaharap ngayon ang driver ng trak sa kasong reckless imprudence resulting to homicide.