Laborer na pusher, tiklo

@Balitang Probinsiya | March 21, 2023

AKLAN—Isang laborer na drug pusher ang naaresto sa buy-bust operation ng mga awtoridad kamakalawa sa Bgy. Manoc-Manoc, Boracay Islands sa lalawigang ito.

Kinilala ang suspek na si Rodian Sastre, nasa hustong gulang at nakatira sa Bgy. Balabag sa nasabing lalawigan.

Ayon sa ulat, nagpanggap na buyer ng shabu ang mga operatiba, at nang bentahan sila ng droga ni Sastre ay dito na dinakip ng mga awtoridad ang suspek.

Napag-alaman na nakakumpiska ang mga awtoridad ng limang sachets ng shabu at markadong pera sa pag-iingat ni Sastre.

Nahaharap ngayon ang suspek sa kasong paglabag sa Comprehensive Dangerous Drugs Act of 2002.