Laborer, na-hit and run
- BULGAR
- Aug 28, 2023
- 1 min read
@Balitang Probinsiya | August 28, 2023
AKLAN -- Isang 53-anyos na laborer ang sugatan nang ma-hit and run ng isang van kamakalawa sa Bgy. Poblacion, Ibajay sa lalawigang ito.
Nakilala ang biktima na si Ernesto Sta. Lucia, nakatira sa nabanggit na barangay.
Ayon sa ulat, tumatawid sa kalsada si Sta. Lucia nang mabangga ng isang van, pero imbes tulungan ng driver at dalhin sa ospital ay mabilis na tumakas ang suspek.
Nabatid na nagtamo ang biktima ng malaking pinsala sa ulo at katawan, at agad itong dinala ng mga saksi sa pagamutan.
Nagpalabas na ng manhunt operation ang pulisya para madakip ang tumakas na driver ng van.
Comments