Laborer, kinatay sa bahay

@Balitang Probinsiya | September 27, 2023

AKLAN -- Isang 37-anyos na laborer ang pinagtataga hanggang mapatay sa loob ng kanyang bahay kamakalawa sa Bgy. Maloco, Ibajay sa lalawigang ito.

Ang biktimang nagtamo ng mga saksak sa katawan ay kinilala ng pulisya na si Benedict Garson, nakatira sa naturang barangay.

Ayon sa pulisya, nang mapuna ng mga kapitbahay ni Garson na hindi ito lumalabas ng bahay ay pinuntahan nila ito at dito natagpuan ang duguang bangkay ng biktima na may mga tama ng taga sa katawan.

Sinabi ng mga residente na wala silang alam na kaaway ng biktima sa kanilang barangay.

Patuloy pa ang imbestigasyon ng mga awtoridad para makilala at madakip ang salarin.