Laborer, kinatay ng kainuman

@Balitang Probinsiya | November 10, 2021

PALAWAN—Patay ang isang laborer nang pagtatagain ng kanyang kainuman kamakalawa sa Bgy. Latud, Rizal.

Ang biktimang nagtamo ng mga tama ng taga sa katawan ay kinilala ng pulisya na si Jolan Respecio, 38-anyos, samantalang ang suspek ay si Renante Basical, 44-anyos, kapwa residente sa nabanggit na barangay.

Ayon sa ulat, habang nag-iinuman ay nagkaroon ng pagtatalo ang dalawa hanggang sa pagtatagain ng suspek ang biktima.

Nabatid na nakaresponde agad ang mga awtoridad kaya nadakip ang suspek.

Kaagad dinala ng mga residente ang biktima sa ospital, pero idineklara itong dead-on-arrival.