Laborer, binoga ng tanod

@Balitang Probinsiya | November 27, 2021

CAPIZ—Sugatan ang laborer nang barilin ng barangay tanod kamakalawa sa Bgy. San Vicente, Tapaz.

Ang biktimang nagtamo ng tama ng bala sa kanang kamay ay kinilala ng pulisya na si Richard Falcis, 33-anyos, samantalang ang suspek ay si Cristituto Gumalid, 55-anyos, kapwa residente sa nabanggit na barangay.

Ayon sa ulat, habang nag-iinuman ay nagkaroon ng pagtatalo ang dalawa hanggang barilin ng suspek ang biktima.

Nabatid na mabilis na tumakas ang suspek matapos ang pamamaril.

Kaagad dinala ng mga residente ang biktima sa pagamutan at kasalukuyan pa itong ginagamot sa ospital.