Kuya kinatay ng utol

@Balitang Probinsiya | March 22, 2023

ILOILO—Isang 43-anyos na lalaki ang namatay nang pagsasaksakin ng kanyang nakababatang kapatid kamakalawa sa Bgy. Lupa, Sta. Barbara sa lalawigang ito.

Kinilala ng pulisya ang biktima na si Elvin Jarloc, samantalang hindi na muna pinangalanan ang suspek na 31-anyos hangga't hindi ito nadadakip ng mga awtoridad.

Ayon sa ulat, nagkaroon ng pagtatalo ang magkapatid kaya pinagsasaksak ng suspek ang biktima.

Agad dinala ng kanilang mga kamag-anak ang biktima sa ospital, pero idineklara itong dead-on-arrival.

Nagpalabas na ngayon ng manhunt operation ang pulisya para madakip ang suspek upang sampahan ng kasong parricide.