Kuta ng NPA sinalakay
BULGAR
Dec 20, 2022
1 min read
@Balitang Probinsiya | December 20, 2022
NUEVA ECIJA – Sinalakay ng mga awtoridad ang kuta ng komunistang New People's Army (NPA) kamakalawa sa bulubunduking lugar sa Bgy. San Fernando, Laur sa lalawigang ito.
Sa isinagawang pagsalakay ay nakarekober ang mga awtoridad ng mga kagamitan ng mga NPA.
Ayon sa ulat, may nagbigay-impormasyon sa mga awtoridad tungkol sa kuta ng NPA sa nabanggit na barangay.
Dahil dito, agad sinalakay ng tropa ng pamahalaan ang naturang lugar, pero nakatakas ang mga komunista at tanging mga kagamitan na lang ng mga NPA ang natagpuan sa kuta.
Naglunsad na ngayon ng manhunt operations ang mga awtoridad para madakip ang mga tumakas na NPA.
Comments