Kusinero, tinodas ng kainuman

@Balitang Probinsiya | Oct 24, 2021

CAPIZ—Isang kusinero ang sinaksak at napatay ng kanyang nakaalitang kainuman kamakalawa sa Bgy. Bunga, Mambusao.

Ang biktimang nagtamo ng mga tama ng saksak sa katawan ay nakilalang si Ezekiel Bacusino, 26-anyos, samantalang ang suspek ay si Juvy Barquilla, 39-anyos, kapwa nakatira sa nabanggit na barangay.

Ayon sa pulisya, habang nag-iinuman ay nagkaroon ng pagtatalo sina Bacusino at Barquilla na humantong para pagsasaksakin ng suspek ang biktima.

Kaagad dinala ng mga saksi ang biktima sa pagamutan, pero idineklara itong dead-on-arrival.

Naaresto naman ng mga awtoridad ang suspek na sa ngayon ay nahaharap sa kasong murder.