Kung dati, takot na takot at umuurong…DINGDONG, PROUD NA KAYA NANG MAKIPAG-FACE-TO-FACE SA DAGA

ni Vinia Vivar - @Frankly Speaking | July 5, 2020

Nakakatuwa ang kuwento ni Dingdong Dantes na dahil sa quarantine, natuklasan niyang kaya niya palang labanan ang kanyang takot sa daga.

“Sobrang matatakutin ako sa daga. As in talagang 'pag may nakita akong daga o may malaman lang ako na mayroon sa tabi-tabi, nagpi-freak out ako,” ani Dong.

Pero may nakaharap daw siyang daga na umaali-aligid sa kanilang lanai area at naging kaibigan niya pa.

“Pero isang takeaway doon is, naging kaibigan ko na 'yung isang malaking daga na umaaligid sa bahay namin kasi nakaya ko na mag-stand-off sa kanya ng mga at least 3 seconds kasi 'di siya umuurong, eh.

"At least ngayon, meron na kaming mutual respect kasi talagang inuurungan ko siya dati. Mukhang okay naman na kami,” kuwento pa ni Dong.