Kris, pantapat ng Shopee kina Kathryn at Lee Min-Ho ng Lazada

ni Nitz Miralles - @Bida | October 22, 2020

Ipinost na ni Kris Aquino ang TVC ng Shopee at pinasalamatan niya si Director Chito Roño at ang Star Cinema sa pagpayag na magamit sa TVC ang ilang eksena sa pelikulang Feng Shui na pinagbidahan ni Kris.

Sabi ni Kris, nagsimula kahapon ng sunrise ang airing ng TVC, kaya by now, marami na ang nakapanood.

Aniya pa, binili ng Shopee sa Star Cinema ang intellectual property na magamit ang eksena niya sa Feng Shui sa TVC. Magkano kaya nabili ng Shopee ‘yun?

May part sa kanyang post na sinabi ni Kris na “When we got this contract, I cried & it was because the mom in me felt my sons could be proud of me again... maybe some perspective? I knew my mom felt proudest of her “baby” whenever a new commercial would be airing. It was a rule in her home-no competing products could be bought, only what I endorsed.

"To @shopee_ph THANK YOU for believing in me when I needed to believe in me again. I know we only signed for 1 year, BUT you really did give me #forever. You opened doors I had already conditioned my heart to accept were already closed. And because of your faith in me, you have paved the way for many new, exciting opportunities.”

May sinabi pa si Kris na “I am proud to be the face of @shopee_ph for a whole year” at may binanggit na mangyayari sa 11/11. Sasabayan nila ng Shopee ang big sale ng Lazada na kabilang sina Kathryn Bernardo at South Korean actor Lee Min-Ho.

Masaya ito, kaya lang, ubos na naman ang pera ng mga Pinoy na mahilig mag-online shopping. Pakyawan na naman ito!