Killer na holdaper, arestado

@Balitang Probinsiya | August 21, 2023

NEGROS OCCIDENTAL -- Isa sa tatlong killer na holdaper ang nadakip ng mga awtoridad kamakalawa sa bayan ng Binalbagan sa lalawigang ito.

Kinilala ng pulisya ang suspek na si John Rey Castino, 19, residente ng Bgy. San Teodoro sa nabanggit na bayan.

Ayon sa ulat, isa si Castino sa tatlong holdaper na nangholdap at pumatay sa pamamagitan ng pagsaksak sa biktimang si Tony Lazaga noong Agosto 16, 2023 sa Bgy. San Pedro sa nasabing bayan.

Nabatid na may nag-tip sa pulisya sa pinagtataguan ni Castino kaya agad itong pinuntahan at dinakip ng mga operatiba.

Patuloy na pinaghahanap ng mga awtoridad ang dalawa pang suspek sa pagpatay sa biktima.