Kelot, tinodas ng riding-in-tandem
Nov 10, 2020
1 min read
@Balitang Probinsiya | November 10, 2020
CEBU—Isang lalaki ang namatay nang pagbabarilin ng riding-in-tandem kamakalawa sa Bgy. Pitogo, Consolacion.
Ang biktimang nagtamo ng mga tama ng bala sa katawan ay nakilalang si Ray Yuson, residente ng Bgy. Jubay, Liloan sa nasabing lalawigan.
Ayon sa ulat, habang nasa loob ng pick-up si Yuson ay biglang sumulpot ang dalawang hindi kilalang suspek na nakasakay sa motorsiklo at agad pinagbabaril ang biktima.
Matapos ang pamamaril ay mabilis na tumakas ang mga suspek.
Inaalam na ng mga awtoridad ang motibo ng mga suspek sa pagpatay sa biktima.
Comments