Kelot, tinodas ng parak

@Balitang Probinsiya | November 5, 2020

CAPIZ—Isang lalaki ang namatay nang barilin ng kanyang nakaalitang pulis kamakalawa sa Bgy. Sagrada Familia, Dumarao.

Ang biktimang nagtamo ng limang tama ng bala sa katawan ay nakilalang si Renato Pampag, samantalang ang suspek ay si Pat. Mamerto Arellano, nakatalaga sa Provincial Police Mobile Force sa nasabing lalawigan.

Ayon sa ulat, habang nag-uusap ay nagkaroon ng pagtatalo sina Pampag at Arellano hanggang sa maglabas ng itak ang biktima at tinangkang tagain ang pulis.

Dahil dito, binunot ni Arellano ang kanyang baril at sunud-sunod na pinagbabaril ang biktima.

Dinala pa ng mga saksi si Pampag sa ospital, pero idineklara itong dead-on-arrival, samantalang sinampahan na ng kasong murder si Arellano.