Kelot, tinodas ng mag-ama

@Balitang Probinsiya | September 17, 2023

AKLAN -- Isang 45-anyos na lalaki ang namatay nang saksakin ng mag-amang kanyang nakaalitan kamakalawa sa Bgy. Talon, Altavas sa lalawigang ito.

Kinilala ng pulisya ang biktimang nagtamo ng dalawang tama ng saksak sa katawan na si Efren Salaber, samantalang ang mag-amang suspek ay sina Rubio Sr., 45, at Rubio Bunyo, Jr., 19, pawang nakatira sa nabanggit na barangay.

Napag-alaman na habang nag-uusap ay nagkaroon ng pagtatalo sina Salaber at ang mag-amang Rubio na humantong para pagtulungang saksakin ng mga suspek ang biktima.

Agad dinala ng mga saksi ang biktima sa ospital, pero idineklara itong dead-on-arrival.

Nadakip naman ng pulisya ang mag-amang suspek na kapwa nahaharap sa kasong murder.