Kelot, tinodas ng kainuman

@Balitang Probinsiya | January 4, 2021

AKLAN—Isang 23-anyos na lalaki ang namatay nang barilin ng kanyang kainuman kamakalawa sa Bgy. Mantiguib, Makato.

Kinilala ng pulisya ang biktima na si Jessmar Nerval, samantalang ang suspek ay si Jerry Redaniel, 53-anyos, kapwa residente sa nasabing barangay.

Ayon sa ulat, habang nag-iinuman sina Nerval at Redaniel, sa hindi malamang dahilan ay biglang pinagbabaril ng suspek ang biktima.

Kaagad dinala ng mga residente si Nerval sa ospital, pero hindi na ito umabot nang buhay sa pagamutan.

Nabatid na nagtangka pang tumakas si Redaniel, pero mabilis siyang nadakip ng mga nagrespondeng pulisya.