Kelot, tinodas ng bayaw

@Balitang Probinsiya | April 29, 2023

NEGROS OCCIDENTAL—Isang 37-anyos na lalaki ang namatay nang barilin ng kanyang bayaw, kamakalawa sa Bgy. Paghumayan, Calatrava sa lalawigang ito.

Kinilala ang biktima na si Gilbert Claro, samantalang ang suspek ay si Raymart Cabriana, 29, kapwa nakatira sa nabanggit na barangay.

Ayon sa ulat, nagkaroon ng pagtatalo ang magbayaw hanggang bumunot ng baril ang suspek at binaril sa ulo at katawan ang biktima.

Agad dinala ng kanilang mga kamag-anak ang biktima sa ospital, pero idineklara itong dead-on-arrival.

Kusang sumuko ang suspek na nahaharap sa kasong murder at illegal possession of firearms ang ammunitions.