Kelot, tinodas ng 4 na armado
BULGAR
Mar 21, 2021
1 min read
@Balitang Probinsiya | March 21, 2021
BACOLOD CITY—Pinagbabaril ang 55-anyos na lalaki hanggang sa mapatay ng apat na armadong salarin kamakalawa sa Bgy. Handumanan.
Ang biktimang nagtamo ng mga tama ng bala sa katawan ay nakilalang si Jose Estaniel, residente sa nabanggit na barangay.
Ayon sa ulat, nasa labas ng bahay si Estaniel nang sumulpot ang apat na suspek at pinagbabaril ang biktima.
Nang matiyak na patay na ang biktima ay agad tumakas ang mga salarin lulan ng pulang kotse.
Nagpalabas na ng manhunt operation ang pulisya para madakip ang mga suspek.
Comments