Kelot, tinepok sa garahe

@Balitang Probinsiya | December 11, 2020

BATANGAS—Isang lalaki ang namatay nang barilin ng hindi kilalang armadong salarin sa loob ng garahe ng kanilang bahay kamakalawa sa Bgy. Balintawak, Lipa City.

Ang biktimang nagtamo ng mga tama ng bala sa katawan at ulo ay nakilalang si Nilbert Reyes, nakatira sa naturang lungsod.

Ayon sa ulat, habang nasa garahe ng kanilang bahay si Reyes ay bigla itong pinagbabaril ng suspek.

Nang matiyak na patay na ang biktima ay mabilis na tumakas ang salarin.

Iniimbestigahan na ng pulisya ang motibo ng suspek sa pamamaslang sa biktima.