Kelot, timbog sa 2 boga

@Balitang Probinsiya | May 24, 2023

AKLAN—Isang lalaki ang inaresto ng mga tauhan ng pulisya nang makumpiskahan ng dalawang baril at mga bala kamakalawa sa loob ng kanyang bahay sa Brgy. Mandong, Batan sa lalawigang ito.

Pansamantalang hindi pinangalanan ang suspek habang iniimbestigahan ng mga awtoridad ang pagkatao nito.

Ayon sa ulat, may tinanggap na impormasyon ang pulisya na may baril ang suspek kaya sinalakay ng mga awtoridad ang bahay nito sa bisa ng search warrant na inisyu ng korte at dito nakumpiska ang isang shotgun, kalibre .357 revolver at mga bala.

Napag-alaman na hindi nanlaban ang suspek sa mga awtoridad.

Nakapiit na ang suspek na nahaharap ngayon sa kasong 2-counts ng illegal possession of firearms, ammunitions and explosive.