Kelot, tepok sa tubig-baha

@Balitang Probinsiya | December 4, 2020

CAPIZ—Isang lalaki ang namatay nang malunod sa tubig-baha kamakalawa sa Bgy. Badiangon, Pres. Roxas.

Ang biktima ay kinikilala ng pulisya na si Leonel Ballon, 25-anyos at nakatira sa nabanggit na barangay.

Ayon sa ulat, bumuhos umano ang malakas na ulan at kasunod ang pagragasa ng tubig-baha at tinangay ang bahay ng biktima.

Kaagad sumaklolo ang mga residente, pero hindi nila nakita ang biktima na nalunod sa tubig-baha.

Napag-alamang makalipas ang ilang oras at nang humupa ang baha ay dito na natagpuan ang bangkay ng biktima.