Kelot, tepok sa riding-in-tandem

@Balitang Probinsiya | January 24, 2021

QUEZON—Isang lalaki ang namatay nang pagbabarilin ng riding-in-tandem kamakalawa sa Bgy. Montecillo, Sariaya.

Ang biktimang nagtamo ng mga tama ng bala sa katawan ay nakilalang si Domingo Jaron, residente sa nasabing bayan.

Ayon sa ulat, kumakain umano sa karinderya si Jaron nang lapitan ng dalawang hindi kilalang lalaki na nakasakay sa motorsiklo at agad pinagbabaril ang biktima.

Matapos ang pamamaril ay mabilis na tumakas ang mga suspek.

Inaalam na ng mga awtoridad ang motibo ng mga suspek sa pagpatay sa biktima.