Kelot, sugatan sa kaalitan

@Balitang Probinsiya | January 17, 2021

CAPIZ—Isang 21-anyos na lalaki ang sugatan nang saksakin ng kanyang kaalitan kamakalawa sa Bgy. Poblacion Ilaya, Dumarao.

Kinilala ang biktima na nagtamo ng mga tama ng saksak sa katawan na si Aren Pardilla, samantalang ang suspek ay si Junnel Coronado, kapwa nakatira sa nabanggit na barangay.

Batay sa imbestigasyon, umiihi umano si Pardilla sa gilid ng kalsada nasabing barangay nang lapitan ng suspek at agad pinagsasaksak ang biktima.

Kaagad dinala ng mga saksi sa ospital si Pardilla sa ospital at kasalukuyan pa itong inoobserbahan sa pagamutan.

Nagpalabas na ng manhunt operation ang pulisya para madakip ang suspek.