Kelot sinaksak ng selosong mister

@Balitang Probinsiya | June 07, 2023

CAMARINES SUR -- Isang 36-anyos na binata ang sugatan nang saksakin ng isang selosong mister kamakalawa sa Bgy. Sampaloc, Gainza sa lalawigang ito.

Sa kahilingan ng kanilang mga pamilya ay hindi na pinangalanan ang biktima at suspek.

Ayon sa ulat, pinagdudahan ng mister na may relasyon ang kanyang misis sa binata kaya sinaksak nito sa likod ang biktima.

Matapos ang pananaksak ay agad namang sumuko sa pulisya ang suspek.

Samantala, ginagamot na ngayon sa ospital ang biktima.