Kelot sinaksak ng laborer

@Balitang Probinsiya | December 6, 2022

ALBAY—Isang binata ang nasa kritikal na kalagayan nang saksakin ng laborer kamakalawa sa Bgy. San Ramon, Rapu-Rapu.

Ang biktima ay nakilalang si Orly Vibal, 31-anyos, samantalang ang suspek ay nakilala lang sa alyas na Junior, nasa hustong gulang at laborer sa nabanggit na barangay.

Ayon sa ulat, habang nag-uusap ay nagkaroon ng pagtatalo ang dalawa na humantong para maglabas ng patalim at pagsasaksakin ng suspek ang biktima sa iba’t ibang parte ng katawan.

Kaagad dinala ng mga saksi si Vibal sa ospital at kasalukuyan pa itong inoobserbahan sa pagamutan.

Pinaghahanap na ng pulisya ang tumakas na suspek upang sampahan ng kasong frustrated murder.