Kelot, sinaksak ng kainuman

@Balitang Probinsiya | Oct 27, 2021

AKLAN--Isang 18-anyos na binata ang sugatan nang saksakin ng kanyang kainuman kamakalawa sa Bgy. Candelaria, New Washington.

Ang biktima ay nakilalang si Rhem Sugcang, samantalang ang suspek ay si Anfernie de Luna, 21-anyos, kapwa residente sa nabanggit na bayan.

Ayon sa ulat, nag-iinuman sina Sugcang at De Luna nang magkaroon ng pagtatalo na humantong para maglabas ng patalim at saksakin ng suspek ang biktima.

Kaagad dinala ng mga saksi si Sugcang sa ospital at kasalukuyan pa itong inoobserbahan sa pagamutan.

Nakapiit na ang suspek na nahaharap sa kasong frustrated murder.