Kelot, pinatay sa loob ng bahay

@Balitang Probinsiya | Oct 30, 2021

AKLAN—Patay ang isang lalaki nang barilin ng dalawang hindi kilalang armadong salarin kamakalawa sa loob ng kanilang bahay sa Bgy. Calizo, Balete.

Kinilala ng pulisya ang biktimang nagtamo ng mga tama ng bala sa katawan na si Raphael Bautista, 59-anyos at nakatira sa nabanggit na barangay.

Nabatid na nagpapahinga umano si Bautista sa loob ng kanilang bahay nang pumasok ang mga suspek at agad pinagbabaril ang biktima.

Matapos tiyaking patay na ang biktima ay mabilis na tumakas ang mga salarin.

Iniimbestigahan pa ng pulisya ang motibo ng mga suspek sa pamamaslang sa biktima.