Kelot niratrat

@Balitang Probinsiya | Pebrero 2, 2023

COTABATO CITY—Isang lalaki ang namatay nang pagbabarilin ng mga hindi kilalang salarin kamakalawa sa Bgy. Tamontaka Mother sa lungsod na ito.

Kinilala ng pulisya ang nasawi na si Harris Abdul, 42-anyos, at residente ng naturang barangay.

Ayon sa ulat, habang nakatayo si Abdul sa harap ng bahay ng kanyang tiyahin ay biglang sumulpot ang mga suspek at agad pinagbabaril ang biktima na nagtamo ng mga tama ng bala sa katawan.

Agad dinala ng mga saksi ang biktima sa ospital, pero idineklara itong dead-on-arrival.

Iniimbestigahan na ng pulisya ang motibo ng mga suspek sa pamamaslang sa biktima.