Kelot, natagpuang patay sa tabi ng puno

@Balitang Probinsiya | Oct 29, 2021

CAPIZ—Natagpuang patay ang isang binata sa tabi ng isang puno kamakalawa sa Bgy. Badiangon, President Roxas.

Ang biktima ay kinilala ng pulisya na si Rosendo Bance, 48-anyos at nakatira sa nasabing barangay.

Ayon sa ulat, mga kamag-anak ng biktima ang nakatagpo sa bangkay nito sa tabi ng puno ng niyog.

Nabatid na agad ini-report ng mga pamilya ni Bance sa pulisya ang natagpuan nilang bangkay ng biktima.

Sa imbestigasyon ng mga awtoridad ay posible umanong umakyat sa puno ng niyog si Bance at nahulog ito kaya namatay ang biktima.