Kelot, natagpuang patay

@Balitang Probinsiya | August 28, 2023

NEGROS OCCIDENTAL -- Isang 26-anyos na binata ang natagpuang patay kamakalawa sa Bgy. San Jose, Sipalay City sa lalawigang ito.

Ang biktimang nagtamo ng mga tama ng saksak sa katawan ay nakilalang si Kemark Villanueva, nakatira sa nabanggit na barangay.

Ayon sa pulisya, ilang residente ang nag-report patungkol sa natagpuan nilang bangkay ng biktima sa nasabing lugar.

Nabatid na huling nakitang buhay umano si Villanueva habang nakikipag-inuman sa kanyang mga kaibigan.

Patuloy pa ang imbestigasyon ng pulisya para makilala ang mga salarin.