Kelot, nalunod sa palaisdaan, tigok

@Balitang Probinsiya | July 2, 2023

IFUGAO -- Isang lalaki ang namatay nang malunod habang nangingisda sa isang palaisdaan sa bayan ng Hingyon sa lalawigang ito.

Ang biktima ay kinilala ng pulisya na si Jay-ar Butal, 35, nakatira sa Bgy. Nun-olpad, Namulditan sa nasabing lalawigan.

Nabatid na ilang residente ang nakatagpo sa nakalutang na bangkay ng biktima sa palaisdaan.

Huli umanong nakitang buhay si Butal habang patungo sa palaisdaan para manghuli ng isda.

Sa imbestigasyon ng mga awtoridad, pagkalunod ang ikinamatay ng biktima.