Kelot, nagbigti sa bahay

@Balitang Probinsiya | October 25, 2020

Camarines Sur—Isang binata ang nagpakamatay sa pamamagitan nang pagbigti sa loob ng kanyang bahay kamakalawa sa Bgy. Mabolo, Naga City.

Ang biktima ay nakilala lang sa alyas na Jay, residente sa nabanggit na barangay.

Ayon sa ulat, isang residente ang nakatagpo sa nakabiting bangkay ng biktima sa loob ng bahay nito.

Napag-alamang walang kasama sa bahay ang biktima nang isagawa nito ang pagpapakamatay.

Patuloy ang imbestigasyon ng pulisya upang mabatid ang motibo ng biktima sa kanyang pagpapakamatay.