Kelot na nagpaputok ng baril, timbog

@Balitang Probinsiya | November 11, 2020

BATANGAS—Isang lalaki na nagpaputok ng baril ang inaresto ng pulisya kamakalawa sa Bgy. San Teodoro, Bauan.

Ang suspek ay kinilalang si Josefino Gabriel, residente sa nabanggit na bayan.

Ayon sa ulat, may nag-report sa pulisya na nagpapaputok umano ng kanyang baril si Gabriel kaya agad rumesponde ang mga awtoridad at dinakip ang suspek.

Hindi naman nanlaban ang suspek nang dakpin siya ng mga awtoridad at inaalam ngayon ng pulisya ang sanhi ng pagpapaputok nito ng baril.

Nakakumpiska ang pulisya ng .45 pistola at mga bala sa pag-iingat ng suspek na ngayon ay nahaharap sa kasong illegal possession of firearms and ammunitions.