Kelot na HVT sa droga arestado

@Balitang Probinsiya | Pebrero 26, 2023

SURIGAO DEL SUR—Isang lalaking HVT (high value-target) sa droga ang nadakip sa isinagawang drug-bust operation ng mga awtoridad kamakalawa sa Bgy. Tubo-Tubo, Cagwait sa lalawigang ito.

Ang suspek ay nakilalang si Rey Jualo, 33, at residente ng nabanggit na barangay.

Napag-alaman na nadakip ang suspek sa isinagawang drug bust operation ng mga operatiba sa naturang lugar.

Ayon sa ulat, nakakumpiska ang mga awtoridad ng anim na pakete ng shabu at markadong pera sa pag-iingat ng suspek.

Nakapiit na ang suspek na nahaharap ngayon sa kasong paglabag sa Comprehensive Dangerous Drugs Act of 2002.