Kelot kritikal sa shotgun

@Balitang Probinsiya | March 28, 2023

ILOILO—Isang 51-anyos na lalaki ang nasa kritikal na kondisyon nang barilin ng shotgun ng isang binata kamakalawa sa Bgy. Cubay, Jaro sa lalawigang ito.

Ang biktimang nagtamo ng mga tama ng bala sa katawan ay kinilala ng pulisya na si Marcelino Sensoro, residente ng nasabing barangay.

Nakilala naman ang suspek na si Alvin Hallares, 18, na tumakas matapos ang pamamaril.

Ayon sa ulat, habang nag-uusap ay nagkaroon ng pagtatalo sina Sensoro at Hallares kaya binaril ng suspek ang biktima.

Ginagamot na ngayon sa ospital ang biktima, samantalang pinaghahanap pa ng pulisya ang suspek.