Kelot kritikal sa pamamaril

@Balitang Probinsiya | Enero 30, 2023

PALAWAN — Isang lalaki ang nasa kritikal na kondisyon nang barilin ng isang hindi kilalang lalaki kamakalawa sa Bgy. Maasin, Quezon sa lalawigang ito.

Ang biktimang nagtamo ng isang tama ng bala sa katawan ay kinilalang si Pedrito Tenafrancia, ng Bgy. Alfonso sa nasabing bayan.

Ayon sa ulat, habang nakasakay sa tricycle si Tenafrancia ay sumulpot ang suspek at agad pinagbabaril ang biktima.

Matapos ang pamamaril ay mabilis na tumakas ang suspek.

Ginagamot na ngayon sa ospital ang biktima, samantalang pinaghahanap pa ng pulisya ang suspek.