Kelot, kinatay sa dance party

@Balitang Probinsiya | April 26, 2023

ALBAY—Isang lalaki ang namatay nang pagsasaksakin ng kanyang kaalitan, kamakalawa sa dance party sa Bgy. Alcala, Daraga sa lalawigang ito.

Kinilala ng pulisya ang biktimang nagtamo ng mga tama ng saksak sa katawan na si Domingo Seva, samantalang ang suspek ay si Randy Mapa, kapwa nasa hustong gulang, at parehong residente sa nasabing bayan.

Ayon sa ulat, habang nasa dance party ay nagkaroon ng pagtatalo sina Seva at Mapa kaya pinagsasaksak ng suspek ang biktima.

Matapos tiyaking patay na ang biktima, saka sumuko sa pulisya ang suspek.

Nahaharap ngayon ang suspek sa kasong murder.