Kelot, kinatay ng magsasaka

@Balitang Probinsiya | April 5, 2023

QUEZON—Isang lalaki ang namatay nang pagsasaksakin ng isang magsasaka kamakalawa sa Bgy. Malabanban Sur, Candelaria sa lalawigang ito.

Kinilala ng pulisya ang biktimang nagtamo ng mga tama ng saksak sa katawan na si Edward Morata, samantalang ang suspek ay si Elmer Cornia, kapwa nasa hustong gulang at parehong nakatira sa nasabing barangay.

Ayon sa ulat, habang nag-uusap ay nagkaroon ng pagtatalo sina Morata at Cornia na humantong sa pananaksak ng suspek sa biktima.

Agad dinala ng mga saksi ang biktima sa ospital, pero idineklara itong dead-on-arrival.

Nagpalabas na ngayon ng manhunt operation ang pulisya para madakip ang suspek.