Kelot kinatay ng kaalitan
BULGAR
Nov 30, 2022
1 min read
@Balitang Probinsiya | November 30, 2022
RIZAL—Patay isang lalaki nang pagsasaksakin ng kanyang kaalitan kamakalawa sa San Jose, Rodriguez.
Kinilala ng pulisya ang biktimang nagtamo ng mga tama ng saksak sa katawan na si John Fidel Macaraig, samantalang inaalam pa ng mga awtoridad ang pagkakakilanlan ng salarin.
Nabatid na habang naglalakad si Macaraig ay sumulpot ang suspek at kinumpronta ang biktima hanggang magkaroon ng pagtatalo ang dalawa.
Ayon sa mga saksi, habang nagtatalo ang dalawa ay biglang naglabas ng patalim ang suspek at pinagsasaksak ang biktima hanggang sa mapatay.
Nagpalabas na ng manhunt operation ang mga awtoridad para madakip ang suspek.
Comments