Kelot, dinedbol sa bahay
Jul 6, 2023
1 min read
@Balitang Probinsiya | July 6, 2023
SORSOGON -- Isang lalaki ang namatay nang pagbabarilin ng isang hindi kilalang salarin kamakalawa sa loob ng kanilang bahay sa Bgy. San Roque, Sorsogon City sa lalawigang ito.
Ang biktimang nagtamo ng mga tama ng bala sa katawan ay nakilalang si Dennis Lisano, nasa hustong gulang at nakatira sa naturang barangay,
Ayon sa ulat, habang nasa loob ng kanilang bahay si Lisano ay biglang pumasok ang salarin at agad pinagbabaril ang biktima.
Mabilis na tumakas ang suspek nang matiyak na patay na ang biktima.
Iniimbestigahan pa ng pulisya ang motibo ng suspek sa pamamaslang kay Lisano.
Comments