Kelot, dinedbol ng pinsan

@Balitang Probinsiya | November 29, 2020

NUEVA ECIJA—Isang 22-anyos na lalaki ang namatay nang barilin ng kanyang pinsan kamakalawa sa Bgy. San Vicente, Zaragoza.

Kinilala ng pulisya ang biktima na si Jomar de Pano, samantalang ang suspek ay ang pinsan nitong si Jasper de Pano, 28-anyos, kapwa residente sa nasabing barangay.

Ayon sa ulat, habang nag-iinuman ay nagkaroon umano ng pagtatalo ang magpinsan na humantong para pagbababarilin ng suspek sa katawan ang biktima.

Kaagad dinala ng mga saksi si Jomar sa ospital, pero idineklara itong dead-on-arrival.

Kaagad namang nadakip ng mga nagrespondeng pulisya ang suspek.