Kelot dinedbol ng armado

@Balitang Probinsiya | May 26, 2023

LAGUNA—Isang lalaki ang namatay nang barilin ng isang hindi kilalang armadong salarin kamakalawa sa Brgy. Market Area, Sta. Rosa City sa lalawigang ito.

Kinilala ng pulisya ang biktimang nagtamo ng isang tama ng bala sa ulo na si Dicoroso Masalta, nasa hustong gulang at residente sa nabanggit na lungsod.

Ayon sa ulat, may binibili sa isang tindaahan si Masalta nang sumulpot ang salarin at agad binaril sa ulo ang biktima.

Matapos tiyaking patay na ang biktima ay mabilis na tumakas ang suspek.

Patuloy pa ang imbestigasyon ng pulisya sa motibo ng suspek sa pamamaslang sa biktima.