Kelot dedbol sa kuryente

@Balitang Probinsiya | March 17, 2023

ILOILO—Isang 18-anyos na binata ang namatay nang makuryente kamakalawa sa Bgy. Salngan, Passi City sa lalawigang ito.

Kinilala ang biktima na si Marvin Carleti, residente ng nabanggit na lungsod.

Ayon sa ulat, ilang residente ang nakatagpo kay Carleti na nangingisay sa loob ng tindahan ng kanyang tiyuhin.

Nang alamin kung ano ang nangyari sa binata ay dito lang nabatid na nakuryente ang biktima.

Agad dinala ng mga residente ang biktima sa ospital, pero idineklara itong dead-on-arrival.