Kelot, binoga ng ex-sekyu

@Balitang Probinsiya | January 11, 2021

CAPIZ—Isang lalaki ang sugatan nang barilin ng dating security guard kamakalawa sa Bgy. Poblacion, Sapian.

Nakilala ang biktimang nagtamo ng tig-isang tama ng bala sa tiyan at kamay na si Eduardo Parohinog, samantalang ang suspek ay si Quirico Gerapista, kapwa residente sa nasabing barangay.

Ayon sa ulat, habang nakikipag-inuman si Parohinog sa kanyang kaibigang si Ronel Varnal ay biglang sumulpot ang suspek at agad pinagbabaril ang biktima.

Matapos ang pamamril ay mabilis na tumakas ang suspek.

Kaagad dinala ng mga residente si Parohinog sa ospital at kasalukuyan pa itong inoobserbahan sa pagamutan.